دل میں ہے دوست کا مکان بھلا

دل میں ہے  دوست کا مکان بھلا
کون    چھوئے  یہ   آسمان  بھلا

تیرے پیروں کی دھول ہو جاؤں
اتنی  ہو   سکتی  ہے   اڑان  بھلا

حسن بھی تو ہے عشق بھی تو ہے
مختصر ہے   یہ   داستان   بھلا

دل  کی دنیا  میں  ہو  سکون  اگر
دو  جہانوں  سے  یہ  جہان  بھلا

میرے  دل سے  بڑی  نہیں  دنیا
کون  دے  گا  تجھے  امان  بھلا

ہائے  قاتل  کا  ہم نوا  ہے  دل
اب کہاں سے بچے گی جان بھلا

آپ   کہیے   برا    بھلا    کہیے
ہم  کہاں رکھتے  ہیں  زبان بھلا

آپ  اچھے ہیں  خلق جانتی ہے
میں   گنہ گار   بے نشان   بھلا

تم  تو  دانائے  راز  ہو  راحیلؔ
تم  کرو   عشق   کا  بیان   بھلا

راحیلؔ فاروق

ایک رائے “دل میں ہے دوست کا مکان بھلا”

تبصرہ کیجیے