نہ گدا آستاں سے اٹھتا ہے

(ایک آن لائن طرحی مشاعرے کے لیے کہی گئی غزل)

نہ گدا آستاں سے اٹھتا ہے​
نہ ستم نیم جاں سے اٹھتا ہے​

نالہ اٹھتا ہے اٹھ نہیں سکتا​
جب دلِ ناتواں سے اٹھتا ہے​

ہے قفس مدفنِ ہزار الم​
کب یہ بوجھ آشیاں سے اٹھتا ہے​

​کارواں دل کا اور ہے ظالم​
یہ غبار آسماں سے اٹھتا ہے​

ہو چکا راکھ دل تو مدت سے​
"یہ دھواں سا کہاں سے اٹھتا ہے”

آخرِ کار اٹھ گیا راحیلؔ
غیر کب درمیاں سے اٹھتا ہے

راحیلؔ فاروق

تبصرہ کیجیے