اٹھ چلے ہاتھ لگاتے ہوئے سب کانوں کو

اُردُو نِگار
اٹھ چلے ہاتھ لگاتے ہوئے سب کانوں کو
بولنے ہی نہ دیا تم نے تو دیوانوں کو

گرچہ مشہور ہیں یوں بھی مری دیوانگیاں
آپ کے نام سے پر لگتے ہیں افسانوں کو

کون دے مجھ کو دعا، میری دوا کون کرے
عشق کا درد نہ اپنوں کو نہ بیگانوں کو

تیری دنیا میں محبت کی کمی ہے ورنہ
کسی جنت کی ضرورت نہ تھی انسانوں کو

اب جو ساقی سے بگاڑی ہے تو راحیلؔ میاں
آپ بھرتے ہوئے دیکھا کریں پیمانوں کو

راحیلؔ فاروق

۱۰ نومبر ۲۰۱۴ء

راحیلؔ فاروق

اُردُو نِگار

ہیچ نہ معلوم شد آہ کہ من کیستم... میرے بارے میں مزید جاننے کے لیے استخارہ فرمائیں۔ اگر کوئی نئی بات معلوم ہو تو مجھے مطلع کرنے سے قبل اپنے طور پر تصدیق ضرور کر لیں!

2 تبصرے :

  1. تیری دنیا میں محبت کی کمی ہے ورنہ
    کسی جنت کی ضرورت نہ تھی انسانوں کو

    جواب دیںحذف کریں